He tohunga ō tātou tūpuna mō te āta mātaitanga. He mea whakamōhio i a rātou ngā raraunga mai i ngā mātaitanga i te manaakitanga o te mahinga kai mā te whakaputa matapae e pā ana ki te āhuarangi me ngā hauhakenga. I te huringa o te taiao nā runga i ngā āhuatanga māori noa o te taiao, i kite ai rātou me whakahou rātou i ō rātou ara atawhai kia hāngai ai ki ngā hiahia o te taiao. He matua ngā āta mātaitanga ki te mātua whakaritenga o te tūroa me te oranga o te taiao me ngā rawa e mate nuitia ana mō ngā whakatipuranga o te ānamata.
He kohinga raraunga mō ngā kaupapa pūtaiao kirirarau
E āhei ana te tamariki te takoha mai ki ngā kaupapa pūtaiao kirirarau pērā i Te Tatauranga o ngā Manu Māra mā te hopukanga me te tuari o ā rātou mātaitanga ki ngā kaipūtaiao. Mā te whai wāhi ki te tatauranga e whakatakoto ara hei kōkiri mā ngā ākonga i te raraunga me te whakawhanake i ngā āheinga pūtaiao e whai pānga ana. He whaitake anō te kōwhiri i tētahi āheinga hei arotahi māna me te kohinga o te raraunga, he tīmatanga pai tēnei.
Kua roa e haere ana tēnei kaupapa pūtaiao kirirarau Te Tatauranga o ngā Manu Māra o Aotearoa me nui ake i te 44,000 tatauranga i whakahaeretia e te tangata, e ngā kura, me ngā rōpū hapori. Ina te nui o te raraunga ka puta mai i ēnei tatauranga.
Ka āta arowhai ngā kitenga o te tatauranga i te kaipūtaiao rangahau a Tākuta Angela Brandt me tōna kāhui i Manaaki Whenua ki te mātua whakarite he tika rawa atu te raraunga ka whakamahia e rātou. Tuatahi, ka tango rātou i ngā raraunga kāore i oti pai, kei te hapa rānei. Kātahi ka whai whakaaro rānei i ngā momo taurangi, arā, mehemea kua whāngaihia ngā manu, mehemea rānei i whakatutukitia te rangahau i te wāhi noho tāone, i te taiwhenua rānei. Ka whakamahi te kāhui i ngā tua-rorohiko hei āwhina te tukatuka o te rahinga o te raraunga ka riro mai ai.
Kia oti rā anō te tukatuka, ka whakamahi te raraunga ki te whakaputa i ngā kauwhata mō te pūrongo mō te Tūnga o ngā Manu Māra o Aotearoa ka tukuna atu ki te Global Biodiversity Information Facility, e taea ana te takiuru e ngā kairangahau huri noa i te ao. He mea āwhina ngā mōhiohio mai i ēnei pūrongo i ngā mātanga kia kitea he pēhea te māia o ngā manu ki te ora tonu ahakoa ngā wero taiao me ngā mahi e taea ai hei āwhina atu.
Te kohikohi me te whakamāoritanga i te raraunga
Mō ngā mōhiohio mō te whakatutukinga o Te Tatauranga o ngā Manu Māra o Aotearoa haere ki konei.
I te whakatakinga o te rangahau kei te whakatau me te tuhi ngā tamariki i ngā mātaitanga – he kohikohi raraunga te karawhiu. Kātahi te wero ko te tautohu mai i tawhiti i ngā manu. E taea ai te tautoko i ngā pūkenga mātaitai o te ākonga mā:
He āwhina i ngā ākonga ki te tautohu he aha ngā rongo e whakamahia ana e rātou (te nuinga o te wā ko te rongo ā-karu), mehemea kei te whai āwhina anō rātou i t/ētahi atu rānei/hoki o ngā rongo (tērā pea ko te rongo ā-taringa).
Te whakaharatau i te mātaitanga me te matapaki i ngā kitenga
Whakamahi i te arotake aropā. Kia tautohua te manu e te ākonga mō te rangahau, ka pātai mai pea ō rātou aropā mō ngā āhuatanga tautohunga i whakamahia ai e rātou. Ko te tae, ko te tauira huruhuru, ko te whanonga, tētahi atu āhuatanga rānei?
He whakatenatena i ngā ākonga kia whai whakaaro ki tō rātou māia mō te taha ki ō rātou kitenga tatauranga. Me pēhea rātou e māia ake? Tērā pea mā roto i te whakaharatau, te whakamahinga o ngā taputapu pērā i ngā karurua whakatata me ngā aratohu tautohunga.
Ko te whakamāori raraunga ko te whai tikanga mai i ngā mātaitanga. Ko te whakatau nā runga i ngā mātaitanga ka kīia ai ko te whakapae. He pātai whaitake kia mārama ngā rerekētanga i waenga i ēnei ariā ko: He aha tāu i kite ai? (mātaitanga); ‘He hoki te tikanga o tērā?’ (whakapae). Hei tauira, ka kotahi anake pea te momo manu ka mātaitia, ka tuhia hoki e te ākonga, nō reira ko te whakapae mai i konā kotahi anake te momo i taua rohe pōtae (whakapae).
Te whai wāhitanga ki Te Tatauranga o ngā Manu Māra o Aotearoa
Mā te whakatutukinga o Te Tatauranga o ngā Manu Māra o Aotearoa e āwhina te māramatanga o ngā kairangahau ki te āhei o ngā manu kia ora tonu me ngā wero taiao o ēnei rā. He mea āwhina hoki i te hanga o te huinga raraunga mō te kanorau koiora tautini kia pai ai te māramatanga ki te papānga o te panonitanga āhuarangi ki ngā pūnaha rauropi me te kanorau koiora.
Te whakamahi raraunga me te whakamāori whakaaturanga
I a mātou e mahi ana hei kaipūtaiao, me mātua whakarite mātou he whaimana ngā whakapae, he pakari hoki ngā whakamārama. Hei tautoko i ngā ākonga ka taea te tuku pātai pērā i, “Ki ōu whakaaro he whakamārama anō pea mō tēnei raraunga?” “Ki ōu whakaaro me kohikohi anō koe i ētahi atu raraunga?” He painga anō kia whai wāhi ngā ākonga ki te whakaputa me te tautohetohe i ō rātou whakaaro ki te taha o ētahi atu.
He nui ngā momo ara whakaata a ngā kaipūtaiao i ā rātou rangahau, tae atu ki ngā tauira, ngā kauwhata, ngā tūtohi me ngā tuhinga. Ka whakamahia e Te Tatauranga o ngā Manu Māra o Aotearoa i ngā kitenga tatauranga nō ngā wāhanga o te rima tau me te tekau tau kua pahure ake nei.
Hei tautoko i ngā ākonga ki te whai whakaaro ki te whakaatanga mai o te raraunga tuku pātai pērā i:
He aha te kōrero o tēnei whakaatanga ki a tātou?
He aha kei te whakarērea?
Me pēhea tēnei whakaatanga e whakawhitiwhiti i te ia o te kōrero?
He aha te take kua pēnei te āhua o te whakaatanga?
Kia riro mā ngā ākonga hei hanga i ā rātou ake whakaatanga e āwhina i tō rātou mārama ki te āhua o te whakatau i te kōwhiringa a ngā kairangahau i a rātou e tuari ana i ā rātou mahi.
Kua pēhea te rerekē o ngā tatauranga manu o te kāri?
Nā te mahi pūnoa a ngā mānu kei ngā māra ka kitea e tātou te hauora o tō tātou nei taiao e noho ana. He tohu mā tātou katoa e pā ana i ngā pānonitanga maha ki te taiao i ngā tau 10 kua pāhure ake.
Nā: Hayman, E., Brandt, A. J., MacLeod, C. J., Howard, S., Diprose, G., Gormley, A. M., & Spurr, E. B. (2024). Te Āhua o ngā Manu o te Kāri i . Manaaki Whenua – Landcare Research, Lincoln. ISSN 2744-5267
Te whakataurite raraunga
Kia kaha ake te matapaki a ngā ākonga i te raraunga me te hanga whakatauritenga. Hei tauira:
Pātai ki ngā ākonga ki te mahi takirua me te whakataurite i ō rāua kitenga mai i te mahinga o te tatauranga, he tauira whakaharatau noa iho, he tauira rānei i āta whakaritea. He ōrite ngā kitenga? He whakamārama anō kei ngā kitenga mō te take i ōrite ai, i rerekē ai rānei ngā kitenga?
Whakataurite i ngā kitenga mai i tēnā, i tēnā ki mua i te akomanga, te kura, i ngā kitenga ā-rohe rānei mai i te paetukutuku o Te Tatauranga o ngā Manu Māra o Aotearoa. Matapaki i te hiranga o te whakatutukinga o ngā tini tatauranga, e tautohu ana i ngā tauria, me te whakaputa i ngā whakapae whakamārama.
Whakatauritea ki tētahi momo manu ake, honohono rānei ki tētahi kura i tētahi atu rohe ki te matapaki i ā rātou kitenga.
E āhei ana i ngā kitenga o Te Tatauranga o ngā Manu Māra o Aotearoa ngā whakatauritenga ki ngā tau kua pahure ake. He matapaki whaitake te pātai kia whakapaetia e ngā ākonga ngā tū ia o te ānamata e heke mai nei e tōia mai ai pea ngā pātai mō te kahawhiri me te kōkiri. Tāpiri i ngā whakaaro mō te ānamata ki te tauria Ake Ake.
Whakamahi i te whakaaturanga i raro nei mō ngā tohutohu poutama e pā ana ki te whakahirahira a tō akomanga ki te raranga mai i Te Tatauranga o ngā Manu Māra o Aotearoa.
Te tūhura raraunga a ngā manu – Whakaaturanga
Whakamahia tēnei whakaaturanga ki te tūhura i ngā raraunga mai i Te Tauranga Manu Māra o Aotearoa.
Me maumahara ki te tirotiro i ngā taipitopito kei te taha o ngā kiriata.
Kei roto ko ngā tohu ngohe, ko ngā pātai āki me ngā huatau whakaako.
Ko te tikiake mō tēnei Google Slideshow ka huaki i roto i te Microsoft PowerPoint. Kia aroha mai, kāore ngā hononga ipurangi i roto i ngā taipitopito e tautokona ana e Microsoft. Tīkina atu ngā rauemi hono i konei.
Te Tatauranga o ngā Manu Māra o Aotearoa
He wāhanga tēnei tuhinga o tētahi huinga rauemi mā ngā kaiako me ngā tauira hei ruku māna ko te akoranga, ko te māramatanga me te whai whakaaro anō ki te ao manu i tō tātou taiao. Anei anō ētahi atu o te huinga rauemi:
Te Tatauranga o ngā Manu Māra o Aotearoa – ngā rauemi mā ngā kura
Yvonne Taura – kairangahau Māori
Milly Grant-Mackie – kairangahau Māori
He kōrero kōpūtahi
Kei te tūhura tēnei tuhinga i ngā kōrero mō te aranga ake anō o te mātauranga iwi taketake me te whakapikinga o te āhukahuka ki tōna uara ki te ao pūtaiao puta noa i te ao.
He ariā matatini te raraunga. Me ako ētahi atu kōrero mō te raraunga ipurangi i ngā tuhinga Data about data me te Data and how we use it.
Sensing data, he tuhinga taumata 4, e whakatakoto ana i tētahi whakatakinga ki te raraunga nui me te ipurangi o te hanga me pēhea hoki te whakamahinga o ēnei ki te whakatikatika i te parakino hau i Ōtautahi.
I a koe e tūhura ana i te raraunga tatauranga Manu Māra ki te taha o tō akomanga, me whai whakaaro mō te kōrero ki te rangatiratanga raraunga. Kua kōrerohia ētahi o ngā whakaari e whai pānga ana ki te rangatiratanga raraunga i tēnei tuhinga ChatGPT and Māori data sovereignty.
He ngōhe
Kei ngā ngohe e whai ake nei he arawātea kia mārama pai ai tēnei mea te raraunga ki a koe:
He nui ngā kōrero pai me ngā whakaaro tino rawe kei ā mātou ataata huinga ipurangi Making sense of data me te Delving into data mō te ako i ngā kōrero mō te raraunga.
Etahi atu rauemi whai hua
Ka kitea ngā kitenga mai i ngā Tatauranga Manu Māra o mua i konei.
Kia ako ētahi atu mō ngā manu māra i tō rohe kei te wātea ngā reports for individual regions, tirohia rānei te katoa o te pūrongo State of NZ Garden Birds 2023 | Te āhua o ngā manu o te kāri i Aotearoa.
He whakamihi
Ko tēnei rauemi i waihangatia i te mahi tahi i a Manaaki Whenua me Te Tatauranga Manu Māra o Aotearoa.
Manaaki Whenua me Te Tatauranga Manu Māra o Aotearoa
He whare rangahau Karauna a Manaaki Whenua. Ko tāna tino kaupapa ko te whakahau i te auahatanga i roto i te whakahaere i te kanorau koiora me ngā rawa whenua. Ko tētehi kaupapa ā-motu, ko Te Tatauranga o ngā Manu Māra o Aotearoa. Ko ngā raraunga e kohia ana mai i ngā kairangahau kirirarau hei awhina i ngā kairangahau me ngā kaiwhakamahi ki te marama me pehea te oranga, te noho a ngā manu i ngā wero taiao.
