He tohu te whakarerekētanga o te korihi a ngā manu kāore e tika ana tētahi āhuatanga mō te tangata whenua i te Waitākere.
Te rāhui i te Waitākere
He āhuatanga o te tapu te rāhui, e aukati i te whai wāhitanga ki tētahi wāhi hei whakahaumarutanga. Kua hora te tāmatemate kauri mā te whakararu i te oneone – mā runga i ngā waewae/ngā pūtu me ngā taputapu. Mā te kore whakaeke i ngā ngahere kauri e āwhina ki te tango i ngā mōrearea ki te hauora o ngā rākau kauri.
He māuiui ngā kauri. I muri i te whanga mō te hia tau ki ngā pūrongo mai i ngā puna ā-waho, i whakapaetia kua tata ki te 25% o ngā kauri i pāngia ai e te tāmatemate kauri.
I rāhuitia rā anō te Waitākere hei whakarauora i te mauri me te whakatō i te whakakinotanga mai i te mate. He tikanga kaupapa atawhai o neherā i whakamahia e te Māori hei whakatō i ngā pānga mehemea kei te hē tētahi āhuatanga, kia whai wā ai ngā kaipūtaiao me ngā kairangahau ki te kimi rongoā.
Hei kaimātai koi o te taiao, he mātauranga tō te iwi Māori nō ngā ngahurutanga tau i ahu mai ana i ngā mōhiohio i kitea i ēnei mātaitanga. I te whakamāoritanga o ngā tikanga me ngā whanonga māori, māori nei o ngā manu – pērā ki ngā kitenga i te Waitākere – i mōhio ai ngā mātanga kāore e tau ana te noho.
Te kaitiaki me te kaupapa atawhai
I tohunga ai ō tātou tūpuna ki te mahi a te kaitiaki, i whakatinanatia hoki ngā tini tikanga kaupapa atawhai hei pupuri me te mātua whakarite i ngā puna wai māori mā me ngā mahinga kai mō ngā whakatipuranga kei te heke mai nei. Ko ētahi o ngā tikanga ko:
Te hauhake, te kohikohi, te whaiwhai i tērā e hiahiatia noa iho ana hei whāngai, hei taurima rānei i te iwi.
E hauhake ana i ētahi tū wā kia pai ai te whakapunitanga, me te whakapakaritanga o te puna kai – tae atu ki te mātauranga o te maramataka me te māramatanga ki te āhua o ngā kaupeka.
Te taunga o te rāhui hei aukati i te tangata i ētahi momo wāhi – hei tauira, ngā wāhi kōhanga.
Me ngā wāhi ake mō te tahitahi me te horoi tawhiti noa atu i te wāhi kohi kai, whakarite kai anō hoki.
Mā te noho whakaute o ngā mea ora, me ngā mea kāore i te ora nā runga i te mea he whai hua ēnei ki te oranga, me te whakaatu i tēnei ngākau whakaute mā te whai i ngā tikanga kua whakaritea mai e te iwi.
I muri i te raupatu o te whenua, te rironga rānei i ngā pakanga, he momohanga hoki, i mate ngā tūpuna ki te ako mō te whakatō kai hei puna matua o te mahinga kai. He ōrite tonu te mahi atawhai hoki i ēnei puna kai ki ngā wā o mua i te taenga mai o tauiwi, heoi anō, he hangarau hou te whakahaere kīrearea.
I te momohanga o ngā puna kai nā runga i te ngakinga o te whenua, te whakatahanga o ngā repo, me te topetope o ngā ngahere, i hoki anō te iwi ki te whakahoki i te whakatauritenga o te pūnaha rauropi mā te whakatō anō i ngā wāhi i taea ai, te whakawhitiwhitinga o ngā momo me te whakataunga o ngā rāhui ki runga i aua momo.
Ngā pūnaha rauropi oneone
He honohono te oneone i te ora ki te ora kore. He mea tautoko te oneone i te whānuitanga o ngā mea ora i te ngahere – mai i ngā kōpura whetū me ngā rimurimu pakupaku ki ngā rākau kauri tipua.
I te ao Māori, he taonga te oneone me tōna ake mana, korou ā-wairua, te mana whakaora i runga anō i a Papatūanuku, te whakatinanatanga o te ao i te tirohanga mātairangi a te Māori.
Ko te ora o te oneone, o Papatūānuku, nō reira anō te manahautanga mō ngā pūnaha rauropi katoa, he tino tūāpapa ki te whakatinanatanga angitu me te oranga tonutanga o ngā ngahere.
He mea tautoko i te ngahere te atawhaitanga o tō tātou oneone, nō reira, ko ngā kararehe e noho ana hoki ki te ngahere. He muka ngā mea ora me ngā mea kāore i te ora i tēnei ao kua whiria ki te taura tangata mā roto i te whakapapa, kia kore ai tētahi e ora, me te korenga o tētahi.
Ngā ngohe mō te ānamata
Arā ngā tini kaupapa kōkiri, rautaki anō hoki i tēnei rā hei pupuri me te whakarauora i ngā whaitua māori o te ao manu o Aotearoa. Nā Manaaki Whenua Te Tatauranga o ngā Manu Māra o Aotearoa.
He rangahautanga kanorau koiora i timata i te tau 2007, e aro ana ki te whakamōhio me te whakapiki i te mōhiotanga ki te tūnga o ā tātou manu māra me ō rātou taiao.
Te Tatauranga o ngā Manu Māra o Aotearoa
Ka whakahaere a Manaaki Whenua tētehi kaupapa ā-motu, ko Te Tatauranga o ngā Manu Māra o Aotearoa. Ko ngā raraunga e kohia ana mai i ngā kairangahau kirirarau hei awhina i ngā kairangahau me ngā kaiwhakamahi ki te marama me pehea te noho a ngā manu i ngā wero taiao.
He aha inaianei?
Ko whakarato ngā kitenga rangahau i te mōhiohio ā-rohe mō ngā whakarerekētanga ki te taupori o ngā momo manu. Heoi anō aha inaianei? Me tīmata tātou i hea, he aha anō hoki hei mahi whakamarumaru me te whakatenatena i te ao manu i tō tātou taiao ā-rohe?
Kei te whakamahi a Lorraine Dixon i te tauira whakaahua kua tapaina ki te ingoa Ake ake hei whakatenatena i te iwi ki te tuari mai ō rātou tirohanga, tae atu ki ngā uara.
Ka whakatenatena anō hoki rātou ki te whakakanohi i tā rātou e hiahia ai mō te ānamata. E tika ana kia whakatenatena hoki i ngā ākonga ki te mahi i aua mahi anō i roto i ō rātou hapori.
Ko rātou ngā rangatira o āpōpō – ka mutu, e mārama ana hoki rātou me pēhea te āhua tika o tō rātou ānamata, he pēhea hoki te āhua ki a rātou. He pākiki ā tātou tamariki, he auaha, mehemea ka whai tautoko rātou, ka taea te mahitahi ki te taha o ngā mātanga ki te whakahohe i ngā ariā me ngā kaupapa kōkiri hei whakarauora i ngā taiao māori hei hokitanga mā ngā manu!
Anei ētahi ara hei whakatenatena i ngā manu kia hoki ki ō tātou wāhi, ātea anō hoki:
Hangaia ngā ātea noho tāone atawhai-manu: Whakawhanake i ngā kauhanga kākāriki, ngā papa rēhia, ngā wāhi kākāriki noho tāone me ngā punanga haumaru mā ngā manu. Whakatō i te rākau māori me ngā ururua hei wāhi kai, hei kōhanga hoki.
Whakatairanga i te arokā o te iwi whānui: Whakaako i te iwi whānui mō te hiranga o ngā manu me ō rātou whaitua, mā roto i ngā kaupapa whakatairanga, ngā awheawhe me ngā kaupapa kura. Whakatairanga i te tūnga o ngā manu i ngā pūnaha rauropi me ngā hua ka riro mai i te tangata.
Ngā Kaupapa Pūtaiao Kirirarau: Whakatenatena i te whai wāhitanga o te hapori i te aroturikitanga me kaupapa atawhai i te manu mā roto i ngā kaupapa pūtaiao kirirarau pērā i Te Tatauranga Manu Māra o Aotearoa.
Arā anō ētahi atu ngohe i roto i te Whakaaturanga i raro iho nei. Whakamātauria ēnei i tō akomanga!
Te āwhina i ō tātou manu – Whakaaturanga
Kimihia mai i ngā kōrero mō ngā kaupapa atawhai he aha hoki ngā mahi e taea kia tū ai hei kaitiaki.
Me maumahara ki te tirotiro i ngā taipitopito kei te taha o ngā kiriata. Kei roto ko ngā tohu ngohe, ko ngā pātai āki me ngā huatau whakaako.
Ko te tikiake mō tēnei Google Slideshow ka huaki i roto i te Microsoft PowerPoint. Kia aroha mai, kāore ngā hononga ipurangi i roto i ngā taipitopito e tautokona ana e Microsoft. Tīkina atu ngā rauemi hono i konei.
Te mātauranga pūtaiao
He tino kaupae te tautoko i ō mātou ākonga ki te kimi hononga ki te taiao i te hanganga o te kahawhiri me te māia kōkiri. Ehara i te mea he āwhina noa iho te tohe tū mā te taiao i te puāwaitanga o te pūnaha rauropi, engari kei te tō mai hoki i te oranga ki ō tātou ākonga ka whai wāhi mai. He mea tautoko ēnei ngohe i ngā tini muka i te āhuatanga o te pūtaiao, te pūtaiao me ōna āheinga matua.
Te Tatauranga o ngā Manu Māra o Aotearoa
He wāhanga tēnei tuhinga o tētahi huinga rauemi mā ngā kaiako me ngā tauira hei ruku māna ko te akoranga, ko te māramatanga me te whai whakaaro anō ki te ao manu i tō tātou taiao. Anei anō ētahi atu o te huinga rauemi:
Te Tatauranga o ngā Manu Māra o Aotearoa – ngā rauemi mā ngā kura
Yvonne Taura – kairangahau Māori
Milly Grant-Mackie – kairangahau Māori
Kōrero kōpūtahi
Hono atu ki ngā ākonga o te kaupapa Kids Restore the Kepler i a rātou e whakapau kaha ana ki te whakatutuki i tō rātou kaupapa: kia whakahokia te korihi manu ki te Ara Kepler.
Pānuitia ētahi atu mō ngā raru e pā ana ki te kaupapa atawhai o ētahi o ā tātou momo manu noho mōrearea.
Tūhura me pēhea tētahi tikanga uiui me te tukanga ako ā-ngohe e whakawhanake i ngā pūkenga mātuatua mō te kimi mōhiohio, te whakawhanake kaiaka ā-ahurea, te whakatewhatewha i ngā tirohanga rerekē, te whakawhitiwhiti kōrero me ētahi atu me te whakaoti rapanga mō te whakapaitanga ake o te taiao tūroa.
Ngā tuhinga te māramatanga ki te kaitiakitanga me Waitī – ngā taiao wai māori tae atu ki ngā āhuatanga matua me ngā tauira o te kaitiakitanga.
I ngā kaipūtaiao e whakamahi ana i ngā kakara teka hei aukati i ngā konihi e whakamate ana i ngā manu noho mōrearea – tūhura i tētahi tukanga whakamatua kīrearea auaha i tua atu.
Ākona mō te tāmatemate kauri me ēnei rauemi:
Fighting kauri dieback – Project Mātauranga
Kauri dieback and mātauranga Māori – he tuhinga
Kauri dieback – te hautaka
Etahi atu rauemi whai hua
I tēnei RE: uiuinga, me ako he pēhea te whaiwhai a te Māori ki te whakamahi i ngā mātauranga o neherā hei whakaora i te kauri i te korehāhā.
He whakamihi
Ko tēnei rauemi i waihangatia i te mahi tahi i a Manaaki Whenua me Te Tatauranga Manu Māra o Aotearoa.
