E whakapae ana kei te āhua 209 ngā momo manu whakawhānau i Aotearoa. Me pēhea tātou e mōhio he aha ngā momo manu e mātaitia ana e tātou? He āhuatanga tō ngā mea ora me ngā mea kāore i te ora e wehewehe ai tētahi i tētahi. Mā ēnei āhuatanga e āhei ai tātou te tautohu me te whakarōpū i ngā mea katoa e karapoi ana i a tātou. Ko ētahi o aua āhuatanga he mārama rawa, pērā i te hanga me te rahi o te ngutu, te tae me te rahi katoa o te manu. Ko ētahi kāore e pērā rawa te mārama, pērā i te korihi a te manu, te rahi a ō rātou hua, te tae me ngā rerekētanga i waenga i te uwha me te toa o te momo ōrite.
He aratohu manu
He aratohu ki ngā manu ka kite pea koe i tō iāri i muri i Aotearoa.
Tikiake i te putanga PDF i konei.
He aha e manu ai te manu?
Kua whakatauria ngā manu, kei raro i te karangatanga o te Aves, hei mokoweri ora nā runga i ō rātou āhuatanga motuhake. He huruhuru tō ngā manu katoa, he kōiwi anga roto, e rua ngā waewae, e rua ngā parirau, ka ngā, he mahana te toto, ka whakawhānau hēki. He rerekētanga hoki tō ngā manu – he tino rerekē te kiwi i te riroriro, i te kākā rānei. Kei ia manu ōna urutaunga, āhuatanga motuhake rānei e ora ai rātou i te whaitua e noho nei rātou.
Te pūtakenga o te manu
Ko te rākau heke-kunenga mai he hoahoa e whakaatu ana i ngā tātai whakaheke o te kunenga mai o ngā momo manu rerekē i te tupuna ngātahi. He hoahoa māmā tēnei e whakaatu ana i te ara kunenga mai o ngā manu.
Ngā urutaunga motuhake
Ko tētahi urutaunga e rerekē ai te manu i ētahi atu kararehe ko ō rātou huruhuru. He whakahoutanga o te kiri ā-waho, ka mutu, he mea nui hei whakariterite i te pūmahana o te tinana, me te rere anō hoki. Arā ngā momo huruhuru rerekē, he rerekē hoki te mahi a tēnā momo, a tēnā momo. E taea ai e te manu ngā heke tawhiti, ā-whakatere, nui whakaharahara, me ngā nekeneke mīharo. Heoi anō, kua urutautia ētahi manu – pērā i te kiwi, te moa, me te kākāpō – ki te oranga rere kore.
Ko te āhei rere koia te tino āhuatanga ōrite o ngā manu. Ehara i te mea ko te rere pūmau i te āhuatanga o te manu anake; e taea ana hoki e ngā peka me ngā ngārara te rere. Kua whakawhanaketia e ngā manu rere te pūnaha anga kōiwi kōmāmā ahurei me ōna kōiwi hahao. Ko te take o te whaturei manu (furcula) hei kaupare i te pēhanga nui o te poho i te auheke o te rere.
Kāore he niho o te manu – he ngutu kē tā te manu. He tino rerekē te rahi, te hanga me te tae o ngā ngutu puta noa i ngā momo manu rerekē katoa. Ko te kai a te manu me te wāhi noho ai ia e whakatau ai te ahurei o tōna ngutu.
Ngā ngutu o te whio
He ngutu ngohengohe, pērā i te rapa, kei te pito o te ngutu o te whio hei āwhina i a ia ki te waruwaru i ana kai i ngā mata o ngā toka. Āta tiro mai, ka kite koe i ngā hanganga tīwiri kei roto i te ngutu. Ka whakamahia ēnei hei hopukina i ngā torongū me ngā ngarara.
Tautohunga manu
Ka mātaitai ana tātou i ngā manu i te wao nui, me mahara ki ngā āhuatanga e āwhina pea tā tātou tautohu i aua manu. Hei tauira:
te rahi me te hanga katoa
te rahi o te ngutu, te tae me te hanga
te rahi o ngā waewae, te tae me te hanga
te hanga me te rahi o te parirau
ngā tae – mehemea hoki he rerekē te tae o te upoko ki tō te tinana
kei hea rātou e noho ana
ngā tikanga noho kōhanga (he uaua pea te mātaitanga o tēnei)
ngā tikanga rere
te korihi manu.
Mā ētahi o ngā āhuatanga mārama pērā i te rahi, te hanga me te tae e ngāwari ake te tautohu i ētahi o ngā momo e mōhiotia whānuitia ana. He wā anō, mehemea ka kite tātou i te manu kāore e mōhiotia ana e tātou me tuhi kōrero mō te nui o ngā āhuatanga o ngā manu e taea ai hei tautohu i aua manu. Kei ngā paetukutuku pērā i NZ Birds Online, Te Tatauranga o ngā Manu Māra o Aotearoa me te iNaturalist te pūranga ātaahua o ngā āhuiatanga, ngā oro me ngā whakaahuatanga o ngā manu.
He nui te mōhiohio e pā ana ki te tautohunga o ngā manu i te whakaaturanga i raro iho nei. Whakamātauria ēnei i tō akomanga!
He aha tāu i kite ai? – te tautohu manu – Whakaaturanga
Ka taea e tātou te whakamahi i ō tātou rongo ki te tautohu manu – e hia nei ngā tīwhiri.
Me maumahara ki te tirotiro i ngā taipitopito kei te taha o ngā kiriata. Kei roto ko ngā tohu ngohe, ko ngā pātai āki me ngā huatau whakaako.
Ko te tikiake mō tēnei Google Slideshow ka huaki i roto i te Microsoft PowerPoint. Kia aroha mai, kāore ngā hononga ipurangi i roto i ngā taipitopito e tautokona ana e Microsoft. Tīkina atu ngā rauemi hono i konei.
Te āhua o te pūtaiao
He pūmanawa pūtaiao hiranga te mātaitanga hei whakawhanake i roto i te ākonga. He pūkenga nō roto anō i a tātou, ka mutu, he pūkenga ākona anō hoki. He nui ake te mātaitanga i tāu ka kite noa iho ai, he mea rarawhi i tāu e rongo ai, e whāwhā ai, e rongo hongihongi ai (mehemea ka taea). E tū ana ngā pūnaha pūtaiao me te pūnaha mātauranga Māori i runga i ngā pūmanawa mātaitanga kua āta whakawhanaketia.
Te Tatauranga o ngā Manu Māra o Aotearoa
He wāhanga tēnei tuhinga o tētahi huinga rauemi mā ngā kaiako me ngā tauira hei ruku māna ko te akoranga, ko te māramatanga me te whai whakaaro anō ki te ao manu i tō tātou taiao. Anei anō ētahi atu o te huinga rauemi:
Te Tatauranga o ngā Manu Māra o Aotearoa – ngā rauemi mā ngā kura
Yvonne Taura – kairangahau Māori
Milly Grant-Mackie – kairangahau Māori
He kōrero kōpūtahi
Kei te Hub tētahi whānuitanga o ngā rauemi e whakaaturia ana ngā manu, tae atu ki:
Te Conserving native birds – introduction (he kohinga rauemi)
Kua whakarōpūhia ngā manu hei taketake, hei māori, hei rāwaho rānei.
Kimihia mai ētahi atu kōrero mō ngā manu māori pērā i te kiwi, ngā takahē, te kākā, ngā rakiraki o Aotearoa, ngā momo hoiho, ngā momo karoro, ngā ruru me ngā kererū.
Mō te katoa o ā mātou tuhinga me ngā ngohe, tirohia tō mātou marau manu.
Mō ētahi anō e pā ana ki ngā taupori, tirohia te Population biology.
Kua whakahou ā-take tā mātou pukapuka rongonui Building Science Concepts Book 3: Ngā Manu: Te hanga, Te Mahinga, me te Urutaunga whai tuhinga me te pāhekoheko e honohono ana i tēnei tino rauemi ki ngā ihirangi o te Hub.
Pūtaiao kirirarau
Protecting native birds he mea tūtohu tēnei i te tūranga whakahirahira o ngā kaipūtaiao kirirarau.
Me whai wāhi atu ki eBird hei taki uru i ngā raraunga kitenga i te roanga o te tau me te whakataurite i te raraunga huri noa mai i te ao.
Ka whakamahi te kaupapa pūtaiao kirirarau i runga ipurangi i te Seek, he taupānga tautohu momo.
Ngā tuhinga o Connected
Kei roto i te rangatū Connected a Te Tāhuhu o te Mātauranga ko ngā tuhinga me ngā rauemi tautoko kaiako e whai ake nei: The takeaway table, What Alice saw, Keep your cat inside me Bringing back the birdsong.
He āria ngohe
Birds in my backyard he rauemi whakaako whakawhiti-marau kua rite-ki-te-whakamahi tēnei.
Classifying bird adaptations ka whakamahi tēnei i ngā kāri me ngā tikanga pānui hei tūhura i ngā ariā pūtaiao matua.
Etahi atu rauemi whai hua
Anei etahi atu rauemi kia whai hua:
Te Papa Atawhai – five minute bird counts
Te Papa Atawhai – A-Z of birds
Te Papa Tongarewa – Birds of Aotearoa
He whakamihi
Ko tēnei rauemi i waihangatia i te mahi tahi i a Manaaki Whenua me Te Tatauranga Manu Māra o Aotearoa.
Manaaki Whenua me Te Tatauranga Manu Māra o Aotearoa
He whare rangahau Karauna a Manaaki Whenua. Ko tāna tino kaupapa ko te whakahau i te auahatanga i roto i te whakahaere i te kanorau koiora me ngā rawa whenua. Ko tētehi kaupapa ā-motu, ko Te Tatauranga o ngā Manu Māra o Aotearoa. Ko ngā raraunga e kohia ana mai i ngā kairangahau kirirarau hei awhina i ngā kairangahau me ngā kaiwhakamahi ki te marama me pehea te oranga, te noho a ngā manu i ngā wero taiao.
