Te āta tirotiro i ngā hekaheka

I tēnei mahi nei, ka whakapakari te ākonga i ōna pūkenga āta tirotiro me ōna mātauranga pūtaiao. Ka kohia, ka whakamāoritia anō hoki he raraunga, ka whakamāoritia hoki he whakaaturanga. E rua ngā wāhanga o te mahi:

• Te āta tirotiro i ētahi tauira tūturu o te hekaheka (arā, o te harore).

• Te āta tirotiro i ētahi whakaahua o te hekaheka.

Kei ngā kaiako te tikanga ina kawea ngā mahi e rua, ko tētahi anake rānei. Kei te āhua tonu pea o te nui o te wā me ngā rawa.

Ngā kāri whakaahua hekaheka

See more

Whakamahia ēnei kāri hei āta tirotiro i ētahi momo hekaheka e tipu ana i Aotearoa.

Rights: The University of Waikato Te Whare Wānanga o Waikato

Referencing Hub media

Hei te otinga o te mahi nei, te tikanga ka āhei te ākonga: 

• te tautohu i ētahi āhuatanga ōkiko o ētahi tauira hekaheka 

• te ako me te whakamahi i ētahi kupu pūtaiao reo Māori, reo Pākehā anō 

• te whakamahi i ngā pūkenga pūtaiao ‘Te kohi me te whakamāori raraunga’ me ‘Te whakamāori whakaaturanga’. 

Anei ngā taputapu e hiahiatia ana:

• he harore nō te hokomaha, i kohia rānei e tētahi mātanga harore o te rohe 

• he taputapu mō te āta tirotiro/mātaki (he arotahi ā-ringa, he karu whakarahi matihiko, he tīpapa whai kāmera)

• he pepa hei tuhi i ngā whakaaro ka hua ake

• ngā kāri whakaahua hekaheka (ka tīkina i te kōnae).

Tīkina te kōnae Word (tirohia te hononga i raro nei).