He pangakupu
I konei, ka whakamahia e te ākonga tōna mōhio ki te hekaheka ki te whakaoti i tētahi pangakupu.
Hei te otinga o te mahi nei, ka āhei te ākonga:
te whai i ngā tīwhiri e pā ana ki ngā hekaheka ki te whakakī i te pangakupu
te whakamahi i ngā rauemi ipurangi e hāngai ana ki te kimi i ngā kupu e ngaro ana.
Te pangakupu hei whakakī
Ko ō mōhiotanga e pā ana ki te hekaheka hei āwhina i a koe ki te whakaoti i te pangakupu.
Tīkina te kōnae Word (kei raro nei te hononga) mō:
ngā kōrero whakataki/whakamārama whānui
te pangakupu hei whakakī.
He whakamihi
I hua ake tēnei rauemi i tētahi aratohu pūtaiao mā ngā kaiako, ko Ngā Hekaheka o Aotearoa te ingoa. I tuhia te aratohu nei e Tākuta Peter Buchanan, o Manaaki Whenua; Tākuta Georgina Stewart, o Te Kura Mātauranga, Te Whare Wānanga o AUT; me Hēni Jacob. He mea tuhi ngā rauemi nei i runga i te aro nui ki te titiro a te Māori ki ēnei āhuatanga.
Tēnei te mihi a te Pokapū Akoranga Pūtaiao ki a Manaaki Whenua me ngā kaituhi kua whakaae nei, kua āwhina nei anō hoki i te whakawhitinga o ngā kōrero nei hei rauemi ipurangi. E taea ana tētahi tauira whitihiko o te Aratohu mā te Pouako te tiki atu i Huia Publishers.
